Masat ndaj Covid-19 në Evropë, Franca dhe Italia shtojnë kufizimet
Qeveria franceze ka vendosur që të transportojë shumë pacientë të shtruar në spitalet në Paris drejt Bordosë, në mënyrë që të ulë mbipopullimin në spitale. Numri i rasteve të reja me koronavirus në Francë arriti në 30 mijë të shtunën, ndërkohë që numri i njerëzve të vaksinuar është rreth 5 milion sipas të dhënave të ministrisë së shëndetësisë.
Situata e Covid -19 në rajonin e Parisit është jashtëzakonisht e tensionuar dhe autoritetet franceze janë gati që të marrin masa të reja megjithëse nuk kanë njoftuar për ndonjë orë të re policore apo shtetrrethim rajonal.
Ndërsa, italianët shijuan fundjavën e fundit të lirë, përpara se masat e reja kufizuese dhe shtetrrethimi i ri të vendoset në rajonet më të rëndësishme të vendit.
Grupe të mëdha njerëzish vërshuan në rrugët në qendër të Milanos për tu takuar me miqtë dhe për të bërë blerjet e fundit, përpara se masat e reja kufizuese të hyjnë në fuqi të hënën dhe të cilat mendohet se do të zgjasin deri për Pashkë.
Ndërkaq Irlanda është vendi më i fundit që i është bashkuar vendeve të cilat kanë pezulluar përdorimin e vaksinës AstraZeneca, pas rasteve të raportuara në Norvegji. Në një deklaratë për mediat, ministri Irlandez i Shëndetësisë u shpreh që ishte thjesht një hap parandalues.
Të premten Organizata Botërore e Shëndetësisë u shpreh që vendet nuk duhet që të ndalonin përdorimin e vaksinës për shkak të frikës që ajo mund të shkaktonte mpiksje të gjakut, sepse nuk kishte tregues që kjo ishte diçka e vërtetë. Më shumë se 110 mijë doza të vaksinës AstraZeneca janë dërguar deri tani në Irlandë, që përbëjnë vetëm 20% të të gjithë dozave të porositura.
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta