Materialet toksike dolën nga qyteti Beirut pas shpërthimit të vitit të shkuar

Një anije në kryeqytetin libanez është ngarkuar me 59 kontejnerë me materiale të rrezikshme që do të çohen në Gjermani.

Substancat e rrezikshme rezultuan të kishin qenë aty prej shpërthimit të madh të qindra ton plehrave që vrau më shumë se 200 njerëz në portin e Beirutit dhe shkatërroi ndërtesat në bregun e qytetit, gushtin e kaluar.

“Ky është vetëm fillimi,” – tha Andreas Kindl, ambasadori gjerman në Liban.

“Ky është hapi i parë i pastrimit të një pjese të portit. Ka shumë për të bërë dhe unë me të vërtetë shpresoj që kjo qeveri apo qeveria e ardhshme që do të vijë, do të punojë ngushtë me komunitetin ndërkombëtar për të qenë në gjendje të vërë sa më shpejt në zbatim premtimet e dhëna dhe të ndërmarrë veprime,” – shtoi ai.

Një kompani gjermane, Combi Lift, u caktua për të hequr mbetjet toksike nga shpërthimi shkatërrues i vitit të shkuar.

Bregu i qytetit tani është pastruar nga të gjitha kimikatet helmuese dhe reaktive që ishin ruajtur atje për vite me radhë.

LEXONI GJITHASHTU:

• Shpërthimi në depo, hakmerret Moska, dëbon 20 punonjës të ambasadës çeke
• ‘SPACE X’ kthehet në Tokë, realizohet misioni i parë me ekuipazh në stacionin hapësinor
• Kriza shëndetësore në Indi, regjistrohen 400 mijë raste me COVID dhe 3689 vdekje në 24 orë