Mbi 5 mln vdekje nga COVID-19 në rang global

Numri global i vdekjeve nga COVID-19 ka tejkaluar pesë milionë këtë të hënë.

Sipas të dhënave të përpiluara nga Universiteti Johns Hopkins, vdekjet totale aktualisht janë 5.001.817, me 246.811.481 raste të regjistruara në mbarë botën.

Shtetet e Bashkuara, Bashkimi Evropian, Britania e Madhe dhe Brazili,  të gjitha vendet me të ardhura të mesme ose të larta, përbëjnë një të tetën e popullsisë së botës, por gati gjysmën e të gjitha vdekjeve të raportuara.

Vetëm SHBA ka regjistruar mbi 740.000 jetë të humbura, më shumë se çdo komb tjetër.

Globalisht, COVID-19 është tani shkaku i tretë kryesor i vdekjeve, pas sëmundjeve të zemrës dhe goditjes në tru.

Shifra marramendëse është pothuajse me siguri një nënvlerësim për shkak të testimeve të kufizuara dhe njerëzve që vdesin në shtëpi pa kujdes mjekësor, veçanërisht në pjesët më të varfra të botës, siç është India.

Tani, virusi po godet Rusinë, Ukrainën dhe pjesë të tjera të Evropës Lindore. Në Ukrainë, vetëm 17% e popullsisë së rritur është plotësisht e vaksinuar, në Armeni, vetëm 7%

LEXONI GJITHASHTU:

• Kievi ashpërson masat anti-COVID, shkak infektimet
• Johnson dhe Macron takim mbi mosmarrëveshjet për peshkimin