Mbretëresha e Anglisë, Elizabeth është infektuar me COVID-19, njoftoi pallati mbretëror.

Buckingham Palace tha se mbretëresha ka shfaqur simptoma të lehta të ngjashme me të ftohurin.

Monarkja 95-vjeçare kishte takuar së fundmi djalin e saj, princin Charles dy ditë përpara se ky i fundit të testohej pozitiv me COVID-19.

Ajo do të marrë trajtimin mjekësor dhe kujdesin e nevojshëm në pallat, thuhet në një njoftim.

Mbretëresha Elizabeth ka marrë tri doza të vaksinës anti-COVID.

Princi Charles dhe bashkëshortja e tij Camilla gjithashtu të infektuar me COVID, janë kthyer tashmë në punë prej disa ditësh.

LEXONI GJITHASHTU:

• Si u ngjit në fron Mbretëresha Elizabeth II
• Camilla Mbretëresha e Anglisë kur Charles të ngjitet në fron