Mbretëria e Bashkuar, kufizime për qytetarët që nuk vaksinohen

Ministri britanik, Nadim Zahawi, përgjegjës për procesin e shpërndarjes së vaksinave ka propozuar se nëse qytetarët nuk vaksinohen atyre mund t’u kufizohet hyrja në disa biznese si restorante, lokale, kinema apo ambiente sporti.

Ai bëri me dije se statusi i një personi i cili ka marrë medikamentin do të vendoset në një aplikacion në celular, që do t’i mundësojë mjekëve më shumë informacion për procedurën e vaksinimit.

Gjithashtu, një gjë e tillë do të shtonte presion për të ndjekur masat anti-COVID si tek qytetarët ashtu dhe tek pronarët e lokaleve apo restoranteve.

Megjithëse procedura e vaksinimit mendohet se do të jetë vullnetarisht dhe qeveria ka cilësuar se marrja e medikamentit do të jetë diçka pozitive në luftën kundër pandemisë, shumica e qytetarëve shprehen se janë skeptikë.