Mbyllet televizioni rus në Letoni, mbështeste pushtimin e Ukrainës nga Rusia

Televizioni i fundit i pavarur rus, “TV Rain”, është mbyllur në Letoni pas më pak se 5 muaj nisje nga transmetimi.

Kanali, i njohur si “Dozhd” në rusisht, është akuzuar se ka treguar përmbajtje që mbështet pushtimin e Ukrainës nga Moska.

Me një reagim në rrjetet sociale, “TV Rain” i ka cilësuar akuzat si “të padrejta dhe absurde”. Ai është urdhëruar ta ndërpresë transmetimin më 8 dhjetor dhe ka deklaruar se do ta respektojë vendimin, por do të vijojë transmetimet në YouTube.

Këshilli Kombëtar për Median Elektronike, enti rregullator mediatik në Letoni, ka deklaruar se vendimi për heqjen e licencës u mor për motive të lidhura me sigurinë kombëtare dhe rendin publik.

Kanali televiziv u bllokua në Rusi në fillim të marsit, pak ditë pasi Moska nisi pushtimin e Ukrainës. Asokohe, shumë punonjës të tij u larguan nga Rusia dhe më vonë nisën ta rindërtonin televizionin jashtë vendit.

Ai është një nga organet e shumta mediatike që kanë zhvendosur operacionet jashtë Rusisë, ose i kanë pezulluar ato që nga nisja e agresionit ushtarak.

Më herët gjatë muajit, enti rregullator e gjobiti kanalin me 10 mijë euro për publikimin e një harte ku Krimea e pushtuar shfaqej si pjesë e Rusisë.

LEXONI GJITHASHTU:

• Amnesty Internacional: Të moshuarit janë më të rrezikuarit nga bombardimet ruse
• PD: Policia po fsheh të vërtetën për sulmin. PL: Drejtësia larg urdhrave të Ramës
• Kush e nxori kartelën? Analisti Meçe debat me Balliun për sulmin e Berishës