Më 1 korrik qytetarët e BE-së mund të udhëtojnë nëpër bllok me anë të certifikatës digjitale

Më 1 korrik, të gjithë shtetasit e vendeve anëtare të BE do të kenë mundësinë të udhëtojnë nëpër bllok më shpejt dhe më të sigurt me anë të certifikatës digjitale.

Kjo e fundit ka një dizajn të përbashkët dhe që mund të përdoret në versionin elektronik dhe të printuar.

“Certifikata digjitale evropiane, e cila ishte një sugjerim i kryeministrit grek, është diçka që të gjithë ministrat evropianë në kabinetin e fundit në Luksemburg po përpiqeshin ta çonin më tej. Ne e kuptojmë, është një domosdoshmëri dhe një arritje e madhe të biesh dakord mbi këtë qëllim të përbashkët që do të ndihmojë çdo qytetar evropian të lëvizë mënyrën më të mirë të mundshme”, u shpreh ministri grek i Shëndetësisë, Vasilis Kikilias.

Ky dokument u propozua për herë të parë në mars nga kryeministri grek Mitsotakis. Udhëheqësit e BE shpresojnë se ky dokument do të nxisë turizmin në të gjithë Evropën, por aeroportet e mëdha dhe linjat ajrore kanë frikë nga kaosi dhe radhët e gjata.

Certifikata digjitale e COVID është një provë, përmes një kodi, i cili dëshmon nëse një person është vaksinuar, ka një test negativ apo është shëruar.

Ata që kanë një certifikatë të tillë do të përjashtohen nga kufizimet e lëvizjes së lirë, përveç nëse ato zbatohen për arsye sigurie.

LEXONI GJITHASHTU: 

• 16 shtetet që kanë nisur të përdorin kartën digjitale COVID për të udhëtuar në BE
• Parlamenti Europian miraton certifikatën jeshile të COVID-19, hyn në fuqi nga 1 korriku
• Shtatë vende evropiane nisin lëshimin e certifikatës së udhëtimit COVID-19