Meloni: Shpresoj që Çmimi Nobel për Paqen t’i jepet Trumpit

Kryeministrja italiane Giorgia Meloni tha sot në Romë se shpreson që Çmimi Nobel për Paqen një ditë t’i jepet Presidentit të SHBA-së Donald Trump, veçanërisht nëse ai arrin të “vendosë një paqe të drejtë dhe të qëndrueshme në Ukrainë”.

“Shpresoj që një ditë do të jemi në gjendje t’i japim Çmimin Nobel për Paqe Donald Trumpit dhe jam i bindur se nëse ai bën një ndryshim duke vendosur një paqe të drejtë dhe të qëndrueshme në Ukrainë, atëherë përfundimisht mund ta nominojmë atë për Çmimin Nobel”, tha Meloni pas një konference të përbashkët për shtyp me kancelarin gjerman Friedrich Mertz.

Sot në Romë, kryeministrja italiane priti homologun e saj gjerman në samitin ndërqeveritar midis Italisë dhe Gjermanisë, gjatë të cilit të dyja vendet evropiane nënshkruan disa marrëveshje për forcimin e bashkëpunimit në çështje strategjike, si dhe në sferën e sigurisë dhe mbrojtjes.

Presidenti amerikan Donald Trump, i cili prezantoi të enjten projektin e tij të ri “Komiteti për Paqe”, u ankua vazhdimisht për mosmarrjen e Çmimit Nobel për Paqe vitin e kaluar.