Mesazhi i zymtë i Guterres në OKB: Po kalojmë kohë të vështira

Nën hijen e luftës në Ukrainë, krizës së urisë, energjisë dhe impaktit të pandemisë së COVID-19, liderët botërorë janë mbledhur në Nju Jork për Asamblenë e Përgjithshme të OKB-së.

Sekretari i përgjithshëm, Antonio Guterres përshëndeti përzemërsisht zyrtarët e ardhur për samitin 6-ditor, në të cilin ata do të shprehin këndvështrimet për ndryshimet e shumta në komunitetin ndërkombëtar.

Por fjalimi i tij hapës përmbante tone pesimiste.

“Të mos krijojmë iluzione. Ndodhemi në situatë të vështirë. Një dimër problemesh është në horizont. Kostoja e jetesës po rritet, besimi po shkërmoqet, pabarazia po shpërthen dhe planeti po digjet. Njerëzit janë të lënduar, me pjesën e cënueshme që po vuan më shumë. Statuti i OKB-së dhe ideali që ai përfaqëson janë në rrezik. Na duhet të veprojmë, por jemi të bllokuar në një sistem global jofunksional”. tha ai.

Presidenti francez Emmanuel Macron dhe liderë të tjerë po marrin pjesë në këtë event, me qëllim forcimin e rolit të Evropës në çështjet globale. Tradicionalisht, kjo bëhet përmes takimeve dypalëshe jashtë asamblesë.

Mes takimeve të para të Macron ishte ai me presidentin iranian. Aktualisht, Evropa po udhëheq përpjekjet diplomatike për ripërtëritjen e marrëveshjes bërthamore.

LEXONI GJITHASHTU

• ‘Mobilizim i pjesshëm ushtarak’, Putin shpall planin e ri për luftën në Ukrainë
• Lavrov: Rajonet pro-ruse të Ukrainës të marrin në dorë fatin e tyre