Mijëra njerëz në rrugët e Teheranit, mbahen funeralet për 2 zyrtarët e lartë iranianë

Në kryeqytetin iranian, turma të mëdha janë mbledhur këtë të mërkurë për të marrë pjesë në funeralet e dy zyrtarëve të lartë, Ali Larijani, shefit të sigurisë së Iranit, dhe Gholamreza Soleimani, kreut të forcës paramilitare Basij, të vrarë gjatë sulmeve ajrore këtë javë.

Fotot dhe videot e fundit tregojnë mijëra njerëz që kanë dalë në rrugët e Teheranit për t’u ndarë nga dy figurat kyçe të strukturave të sigurisë, duke reflektuar rëndësinë e tyre politike dhe ushtarake në vend. Funeralet vijnë në një periudhë të tensionuar, pas sulmeve që kanë goditur objektiva strategjikë iranianë, duke shtuar shqetësimet për situatën e sigurisë dhe stabilitetin rajonal.

Autoritetet lokale kanë marrë masa për të menaxhuar turmat e mëdha dhe për të siguruar rrjedhshmërinë e ceremonive, ndërsa pjesëmarrësit i japin lamtumirën zyrtarëve me homazhe masive dhe ceremonia publike.