Mike Pompeo refuzohet nga diplomatët e BE, anulon në minutat e fundit udhëtimin drejt Evropës

Sekretari amerikan i Shtetit Mike Pompeo anuloi në minutat e fundit udhëtimin e tij në Evropë dhe shkak kryesor mësohet të ketë qenë refuzimi nga ministri i jashtëm i Luksemburgut dhe diplomatë të lartë të Bashkimit Evropian.

Mospërfillja ndaj diplomatit të lartë amerikan sipas Agjencisë së Lajmeve Reuters vjen vetëm pak ditë pasi mbështetës të presidentit Trump mësynë në ambientet e Capitol Hill, e cilësuar kjo nga shumë lider botëror një sulm ndaj demokracisë.

Pompeo një aleat i ngushtë i presidentit Trump pritej të takohej me Jean Asselborn në Luksemburg, i cili është një shtet i rëndësishëm në NATO.

E më pas ishin planifikuar takime edhe me diplomat të lartë në Bruksel. Por, plani fillestar për të shkuar në Luksemburg, u anulua pasi zyrtarët hezituan të takohen me sekretarin amerikan.

Në Bruksel, Pompeo duhej të darkonte privatisht me Sekretarin e Përgjithshëm të NATO-s Jens Stoltenberg, por edhe me Ministren e Jashtëm belg Sophie Wilmes, vendi një aleat i NATO-s.

Një burim i tretë diplomatik bëri me dije se  aleatët ndiheshin të zënë ngushtë pas dhunës në Uashington që shkaktoi pesë të vdekur.

Pompeo dënoi dhunën, por nuk bëri asnjë referencë për rolin që Donald Trump pati në mbështetjen e protestuesve.

Më herët ministri i jashtëm i Luksemburg e cilësoi Trump “kriminel” dhe “piromaniak politik” .

Ministria e jashtme e Luksemburgut konfirmoi anulimin e takimit por nuk dha të tjera detaje. As BE nuk ka komentuar.

Departamenti amerikan Shtetit në një deklaratë, ia atribuoi anulimin e  vizitës tranzicionit të pushtetit ku në 20 janar Biden merr detyrën e presidentit të ri.

Lexoni gjithashtu:

Merkel e konsideron ”problematik” dëbimin e Trump nga platforma Twitter

Pence refuzon të largojë Trump, zëvendëspresidenti kundërshton fuqizimin e amendamentit 25