Ministri i jashtëm iranian bisedon me homologun rus, bëjnë thirrje për ndërprerje të menjëhershme të luftimeve

Ministri i Jashtëm i Iranit, Abbas Araghchi, zhvilloi një bisedë telefonike me homologun e tij rus, Sergei Lavrov, në një moment kur po raportohen zhvillime diplomatike mes Uashingtonit dhe Teheranit.

Telefonata vjen pasi Presidenti i SHBA-së, Donald Trump, deklaroi se Shtetet e Bashkuara dhe Irani kanë zhvilluar “biseda shumë të mira dhe produktive” për një zgjidhje të plotë të armiqësive.

Sipas Ministrisë së Jashtme ruse, biseda u iniciua nga pala iraniane, ndërsa Lavrov bëri thirrje për një ndërprerje të menjëhershme të luftimeve dhe për një zgjidhje politike.

Ai theksoi se çdo marrëveshje duhet të marrë parasysh interesat legjitime të të gjitha palëve të përfshira, veçanërisht ato të Iranit.