‘Moment i rrezikshëm’, reagon Borrell për kërcënimet e Putin me armët bërthamore

BE-ja duhet t’i marrë seriozisht kërcënimet e Vladimir Putinit se ai mund të përdorë armë bërthamore në konfliktin në Ukrainë.

Këtë u shpreh shefi i Politikës së jashtme të BE, Joseph Borrell në një intervistë për BBC duke theksuar se lufta ka arritur në një moment të rrezikshëm.

Komenti tij vjen pasi pak ditë më parë Rusia nisi një mobilizim të pjesshëm ushtarak për të mbështetur luftën në Ukrainë.

“Sigurisht që është një moment i rrezikshëm, sepse ushtria ruse është shtyrë në një qoshe dhe reagimi i Putinit, duke kërcënuar përdorimin e armëve bërthamore, është shumë i rëndë”, u shpreh  Borrell i cili i bëri thirrje Presidentit Putin të luajë rolin e tij në arritjen e një zgjidhjeje të negociuar.

Në një fjalim të rrallë drejtuar kombit në fillim të kësaj jave, Putin tha se vendi i tij kishte “armë të ndryshme shkatërrimi” dhe do të “përdorte të gjitha mjetet në dispozicion duke shtuar se ai nuk po luante blofin.

Bashkimi Europian ka paralajmëruar se do të ndërmarrë të tjera sanksione ndaj Rusisë dhe do të vijojë mbështetjen për Ukrainën.

LEXONI GJITHASHTU:

• Krahu i lirë i punës, shqiptarët paguhen 6 herë më pak se në BE
• Abuzime me koncesionin e dializës, KLSH: 600 mijë € pagesa për shërbime të pakryera
• Bordi i Transparencës: Rritet nafta, ulet gazi, nuk ndryshon benzina