Nasa teston taksitë fluturuese, mjeti i projektuar për të transportuar njerëz dhe mallra

Agjencia hapësinore, NASA njofton se ka nisur testimin e një taksie fluturuese që do të përdoret për të transportuar njerëzit dhe mallrat.

Mjeti ajror, AIR Taxi, është projektuar nga Joby Aviation dhe mund të mbajë deri në 2 persona.

Mjeti përbëhet nga 6 helika gjigande dhe është projektuar të mos bëjë zhurmë, në mënyrë që të përshtatet me jetën kaotike të qytetit, pa i shqetësuar banorët. Gjithashtu, helikopteri mund të arrijë një shpejtësi deri në 322 km/orë.

Ekipi i NASA ka thënë se do të mbledhë informacione se si lëviz, tingëllon dhe si komunikon automjeti me kontrolluesit.

Projekti është pjesë e Fushatës Kombëtare të “Nasa’s Advanced Air Mobility”, që synon të ndihmojë tregun e aviacionit në zhvillim. Agjencia hapësinore planifikon të kryejë teste të ngjashme me kompani të tjera në të ardhmen.

Një numër kompanish po konkurrojnë për të ndërtuar taksinë e parë fluturuese në botë, duke përfshirë Uber dhe Volocopter.

Kjo e fundit ka thënë se dëshiron të nisë atë që e quan si shërbimi i parë i taksive ajrore në botë në vitin 2022.

LEXONI GJITHASHTU:

• NASA merr mostrën e parë shkëmbore nga planeti Mars