Nazistja 96-vjeçare në Gjermani merr arratinë, e akuzuara për krime tenton t’i shpëtojë gjyqit

Një grua 96-vjeçare gjermane, e akuzuar për ndihmë dhe mbështetje në krimet në masë në kampet naziste të përqendrimit gjatë Luftës së Dytë Botërore, u arrestua nga autoritetet gjermane pasi nuk u paraqit në sallën e gjyqit.

Irmgard Furchner akuzohet se në moshë të re ka ndihmuar në vrasjen e 11 mijë e 412 personave kur ishte daktilografiste në kampin e përqendrimit në Stutthof, shtuthof në vitet 1943-1945.

Por gjyqi ndaj saj, në qytetin e ekstremit verior Itzehoe, nuk mund të fillonte me mungesën e saj.

Një zëdhënës i gjykatës deklaroi se e pandehura u largua nga shtëpia në orët e para të mëngjesit me anë të një taksie, drejt një lokaliteti të panjohur.

Për pasojë, autoritetet lëshuan një urdhër arresti, duke qenë se qyteti Itzehoe ndodhet rreth 100 km larg kufirit danez.

Arrestimi i saj erdhi disa orë më vonë dhe një mjek kontrolloi gjendjen e saj shëndetësore, për të vendosur nëse mund të dërgohej në qeli.

Seanca e ardhshme për Furchner është parashikuar për më 19 tetor. Akuzat ndaj saj nuk mund të lexohen pa qenë e pranishme në sallën e gjyqit.

LEXONI GJITHASHTU:

• Ekspozitë në Sarandë për viktimat e regjimit komunist, familjarët apel për gjetjen e eshtrave