Ndërron jetë regjisori i njohur i Disney

Roger Allers, regjisori legjendar i animacionit dhe bashkëregjisor i filmit të rëndësishëm të Disney-t, “Mbreti Luan”, ka ndërruar jetë në moshën 76-vjeçare.

Ai ishte një nga arkitektët kryesorë të rilindjes së animacionit të Disney-t dhe kontribuoi në disa nga projektet më të dashura të animacionit.

Miqtë dhe kolegët e tij i kanë bërë homazhe prekëse, duke e përshkruar Allers si një “shtyllë të vërtetë të rilindjes së animacionit të Disney-t”.

Allers e filloi karrierën e tij në Disney si artist historish për filma të tillë si Tron dhe Sirena e Vogël, përpara se të bëhej një nga regjisorët kryesorë të historive për “Bukuroshja dhe Bisha” dhe “Mbreti Luan”, një film që u bë një nga më të suksesshmit dhe më të dashurit në historinë e kinemasë së animuar.

Përmes punës së tij, Allers kontribuoi në projekte të tjera si Aladdin, Watership Down, dhe Kung Fu Panda. Ai u nominua gjithashtu për një çmim Oscar për filmin e tij të shkurtër të animuar The Little Matchgirl.

Allers lindi në Neë York, dhe u magjeps nga bota e filmit në moshën pesëvjeçare, pasi pa filmin e Disney-t, Peter Pan. Ai ndoqi pasionin e tij për artin duke studiuar në Universitetin Shtetëror të Arizonës dhe më vonë iu bashkua Disney-t në vitet 1980, ku u bë një nga shkrimtarët kryesorë të historive për disa nga filmat e animuar më të dashur.

Homazhe për Allers kanë vërshuar nga e gjithë bota, dhe fansat e Mbretit Luan po ndajnë hidhërimin e tyre në internet, duke e quajtur atë “regjisorin më të madh të filmave të animuar të të gjitha kohërave”.