“Ndihem shumë mirë”, Trump njofton daljen nga spitali pasditen e sotme

5 Tetor 2020 | 19:17

Presidenti i Shteteve të Bashkuara tha se “ndihet shumë mirë” dhe se do të lerë spitalin ku po trajtohej për COVID-19 sot në mesditë.

“Do të lej Qendrën Mjekësorë Walter Reed sot në orën 6:30”, njoftoi presidenti amerikan në Twitter.

“Ndihem shumë mirë”, ka shtuar ai, “Ndihem më mirë seç jam ndjerë 20 vite më parë!” 

Trump u dërgua në një spital ushtarak të premten në mbrëmje, disa orë pasi Shtëpia e Bardhë njoftoi se bashkëshortja e tij, Melania Trump, kishte rezultuar pozitive për COVID-19.

Gjatë qëndrimit në spital, Trump është mjekuar me ilaçin eksperimental Remdesivir dhe Deksametazon  – një lloj steroidi që është përdorur për të kuruar rastet e rënda me COVID-19.

Ekipi mjekësor gjithashtu informoi se niveli i oksigjenit në gjak i presidentit kishte rënë dy herë në mënyrë të papritur.

Përpara lirimit nga spitali, Trump iu tha amerikanëve: Mos kini frikë nga Covid. Mos e lejoni të mbizotërojë jetën tuaj”.  

“Kemi krijuar, nën administratën Trump, disa ilaçe dhe njohuri shumë të mira”, shtoi Trump.

Shtetet e Bashkuara kanë paguar çmimin më të shtrenjtë nga pandemia, me mbi 7.4 milionë raste dhe 209.938 viktima, sipas përllogaritjeve të Universitetit John Hopkins.

 

Lexoni gjithashtu: 

Kritikohet ‘shëtitja’ e Trump, ekspertët: Presidenti vuri në rrezik jetën e personave të tjerë

Trump surprizon mbështetësit, presidenti largohet për pak minuta nga spitali

Trump video-mesazh nga spitali: Ditët në vijim testi i vërtetë, do të kthehem së shpejti

 

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026