Ndryshime në kalendarin e Superligës, shkak protesta e së shtunës

Java e 12 e Superligës Shqiptare vjen me ndryshime sa i përket orarit të ndeshjeve.

Federata Shqiptare e Futbollit bën me dije se klasikja Vllaznia-Tirana do të luhet ditën e diel, kjo për shkak të protestës që mbahet të shtunën në kryeqytet.

Po ashtu dhe ndeshja mes Partizanit dhe Bylisit luhet të hënën në impiantin e ri të demave, ku do të përdoret ndriçimi.

Ditën e diel do të luhen dhe Egnatia-Laçi dhe Kastrioti-Kukësi. Interesant pritet të jetë të hënën dhe derbi Teuta-Erzeni i cili zhvendoset në Rrogozhinë. Kampionati vijon të udhëhiqet nga bardheblutë e Tiranës me 21 pikë, të ndjekur nga rivalët e Partizanit në vendin e dytë dhe më pas Vllaznia.

Bylisi, Kukësi dhe Teuta janë 3 skuadrat e vendit të fundit, me ballshiotët të cilët kanë formën më negative në 5 javët e fundit. E vetmja skuadër e cila nuk ka pësuar humbje në po të njëjtën periudhë është Laçi, që po rigjen formën e sezonit të shkuar. Kurbinasit gjenden në vendin e 6 me 14 pikë, ndërsa bëhen gati për përballjen direkte me Egnatian.

LEXONI GJITHASHTU:

• Partizani kthehet në shtëpi, impianti modern pret për herë të parë ndeshje Superlige
• Partizani u dorëzon kreun rivalëve, Tirana ngjitet në krye të tabelës