Partizani u dorëzon kreun rivalëve, Tirana ngjitet në krye të tabelës

Bardheblutë e Orges Shehit janë rikthyer në krye të tabelës së klasifikimit pas javës së 11 të Superligës Shqiptare.

Tirana mposhti minimalisht Egnatian në ‘Selman Stermasi’ rezultat i cili mjaftoi për të hipotekuar 3 pikët. Goli i vetëm  përballjes u shënua nga braziliani Patrik.

Rivalët e Partizanit u mposhtën nga Laçi 0-1, me Ujkën i cili ishte heroi i kubinasve. Kukësi pësoi humbjen e 3 radhazi në kampionat, ndërkohë lunate në shtëpi përballë Vllaznisë.

Goli për shkodranët erdhi nga këmbët e Esin Hakajt. Bylis-Teuta dhe Erzeni-Kastrioti u ndalën në barazim, konkretisht pa gola në Ballsh, ndërkohë shijakasit 1-1.

Partizani udhëhiqte kampionatin prej javësh, por të kuqtë lanë 6 pikë në dy ndeshjet e fundit, duke bërë që të përfitonte Tirana.

Teuta vijon të jetë në krizë të plotë, e renditur në vendin e fundit të kampionatit me 8 pikë, Kukësi 11 dhe Bylis 12 pikë. Në 11 javë të luajtura, Redon Xhixha udhëheq listën e golashënuesve.

LEXONI GJITHASHTU

• Chelsea vendos për Armando Brojën, pritet konfirmimi në janar
• Reja grumbullon 22 lojtarë nga Superiorja për miqësoren me Katarin

• Pique njofton tërheqjen nga futbolli, të shtunën ndeshja e fundit me Barcelonën