Në ankand pikturat që Muhamed Ali krijoi nga momentet e tij në ring

Ish-kampioni i Botës në boks, Muhamed Ali ka pikturuar disa nga ndeshjet e tij, të cilat do të dalin në ankand javën që vjen në New York.

Janë 24 piktura dhe skica të bëra nga vet ish-kampioni i boksit, madje një pjesë edhe janë të firmosura nga ai.

Ish-kampioni ka pikturuar momente nga boksi, skica te ndeshjeve, por edhe veten e tij ne ring.

Një pikturë e titulluar “Picko si një bletë” u vizatua nga boksieri ne 1978, kur ai ka xhiruar edhe filmin “Rruga e lirisë”.

Kjo pikture del në ankand më 5 tetor dhe do të kushtojë 40-60 mijë dollarë.

Një pikturë tjetër me emrin “fëmijët e varfër në Misisipi” e realizuar në 1967 tregon se ai ndeshej ne boks për të ndihmuar fëmijët e varfër me ngjyrë, sipas analizës nga vlerësuesit e artit.

Dy piktura të tjera të bëra në 1967  “Amerika burgu i madh” dhe “Lufta ne Amerikë” pritet të shiten nga 25 deri në 35 mijë dollarë.

Përfaqësuesit e ankandit u shprehen se njerëzit janë të emocionuar t’i shohin veprat. Ky talent i Muhamed Ali, nuk ishte zbuluar më parë.

Ish-kampioni i boksit Muhamed Ali ndërroi jetë në vitin 2016 në moshën 74-vjeçare, për shkak të sëmundjes së parkinsonit.