Në Britani mbi 100 mijë të vdekur, në Rusi nis vaksinimi në masë

Mbi 100 mijë persona kanë vdekur nga coronavirusi në Britani që nga shfaqja për herë të parë e sëmundjes rreth 1 vit më parë. Ekspertët e shëndetit publik e quajnë situatën si shenjë të një dështimi fenomenal në aspektin politik dhe atë praktik.

Të dhënat qeveritare të së mërkurës treguan një rekord ditor vdekjesh, 1.564 viktima, që e çojnë totalin në 101 mijë e 160.

“Do të hyjmë në izolim 24 orë në 7 ditët e javës dhe sekretari i Shëndetësisë do të japë më shumë detaje për këtë në momentin e duhur”, tha Boris Johnson, kryeministër i Britanisë së Madhe.

Qyteti francez, Nancy ka nisur vaksinimin e banorëve mbi 75 vjeç, thuajse një javë përpara nisjes së fushatës kombëtare.

Varianti anglez i virusit, që thuhet se është më i transmetueshëm, përbën 1 për qind të rasteve pozitive me COVID-19 të verifikuara në Francë. Kështu treguan rezultatet paraprake të një studimi të kryer në dy javët e fundit.

Ndërkohë, Zvicra njoftoi të mërkurën kufizime të reja, për të qenë e parapërgatitur kundër valës së tretë të pandemisë, e shkaktuar nga përhapja më e shpejtë e varianteve të reja të virusit.

Në Rusi, presidenti Vladimir Putin ngarkoi zyrtarët me detyrën e nisjes së vaksinimit në masë duke filluar nga java e ardhshme, me vaksinën vendase, e konsideruar prej tij si më e mira në botë.