Në prag të Krishtlindjeve, qeveria franceze pritet të lehtësojë masat kufizuese me tri faza

Në ditët në vijim Franca pritet të lehtësojë masat kufizuese. Lajmi u bë me dije nga qeveria franceze e cila theksoi se procesi do të bëhet me tre faza në mënyrë që të shmanget një përhapje e re e pandemisë.

Të martën, presidenti Emmanuel Macron do të ketë një dalje për mediat ku do të bëjë me dije edhe lehtësimin gradual të masave të cilat kanë hyrë në fuqi në 30 tetor.

Qeveria franceze është nën presion nga bizneset për të lehtësuar kufizimet për sezonin e Krishtlindjeve. Sipas raportimeve të fundit, shkalla e rasteve pozitive në shtatë ditët e fundit ka rënë në 14.8 për qind çka pritet të ndikojë në vendimet e ardhshme të autoriteteve.