Nëse identifikimi biometrik nuk garanton siguri, Komisioneri për të Dhënat mund ta ndalojë procesin

Kodi i ri zgjedhor ka parashikuar leximin elektronik të dokumenteve të identitetit në zgjedhjet e 25 prillit, në të gjithë vendin. Komisioni Shtetëror i Zgjedhjeve ka nisur tashmë punën për gjetjen e kompanisë që do të kryejë ndërtojë këtë sistem.

Por Komisioneri i Mbrojtes së të Dhënave, Bensik Dervishi u shpreh në “Me pak fjalë”, në Euronews Albania se nëse nuk do garantohet siguria e të dhënave personale, atëherë komisioneri mund ta ndalojë këtë process.

Pyetjes se ‘a keni ju mjetet ligjore për ta ndaluar përdorimin e sistemit nëse nuk plotëson kushtet ligjore?’, komisioneri ju përgjigj se:“Absolutisht që po. Në fushën e të mbrojtjes së të dhënave pushteti i komisionerit është i plotë. Është detyrim ligjor si për KSHZ-në dhe komisionerin për të dhënë mendim.Komisioneri ka instrumente ligjore, ne do të bëjmë monitorim dhe inspektim. Ne rekomandojmë. Në rast se kontrolluesi (KSHZ) nuk i zbaton rekomandimet, komisioneri ka të drejtën e ndalimit të sistemit për përdorimin e të dhënave personale”, tha ai.