Neymar humb gjyqin prej 6.7 milionë euro

Neymar ka humbur gjyqin me ish-skuadrën e tij, Barcelonë. Sulmuesi kërkonte një shifër prej 43.6 milionë eurosh me pretendimin se katalanasit nuk kanë përmbushur detyrimet e kontratës së rinovimit që ai kishte në shkruar në vitin 2016.

Megjithatë, gjykata jo vetëm që e ka hedhur poshtë kërkesën e barazilianit, por ky i fundit është dënuar që t’i paguajë Barçës një shifër prej 6.7 milionë eurosh.

Lojtari synonte që të merrte bonsuet e premtuara, të cilat sipas kontratës do të hynin në fuqi në rast se 28-vjecari do të shitej tek një tjetër skuadër. Në vitin 2017, Nejmar u transferua tek kampionët e Francës, PSG, për një shifër rekord, 222 milionë eurosh.

Ndonëse Nejmar e ka humbur gjyqin e pare, ai ka të drejtë që ta apelojë vendimin.