Një tufë me elefantë të egër përshkojnë Kinën, ecën 500 kilometra drejt veriut

Një tufë me elefantë të egër që përshkuan mes përmes Kinën, u ndalen për një pushim në pyllin pranë provincës “Yunnan”. Kjo ndalesë u bë për shkak se një prej elefantëve u shkëput nga grupi.

14 elefantë u ndalën dhe lozën në pyll, menjëherë pasi kishin lënë pas qytetin “Yuxi”.

Mediat kineze raportuan se një prej elefantëve është shkëputur nga grupi rreth 12 kilometra më përpara.

Kjo tufë elefantësh, tre ndër të cilët janë të vegjël, e ka nisur rrugëtimin drejt veriut të Kinës që prej gati një viti. Ata u nisën nga një zonë e mbrojtur elefantësh në  “Xishuangbanna”, pranë kufirit të Kinës me Mjanmarin. Deri tani kanë përshkuar rreth 500 kilometra.

Hapësira e posaçme që ka qenë në dispozicion të “komunitetit të fundit” të elefantëve vendas të Kinës është zvogëluar gradualisht me kalimin e viteve, me pyjet tropikale të Xishuangbanna që janë zëvendësuar me pemë bananeje, çaj ose plantacione “gome” për të mbjellë lëndë të para për mjekësinë tradicionale kineze. Dyshohet se kjo është arsyeja pse këta elefantë po udhëtojnë nga jugu, për në veri të Kinës.