Nxënësit italianë në protestë, kërkojnë rikthimin sa më shpejtë dhe më të sigurt në bankat e shkollës

Në shenjë protestë të rinjtë italian u ulën në tokë jashtë shkollave të tyre në Romë duke bërë thirrje që të rikthehen në klasa.

Fëmijët e shkollave fillore u rikthyen më 7 janar në klasat e tyre dhe nxënësit e shkollave të mesme pritej të rinisnin sot por ky vendim është shtyrë për në datën 18 janar.

Nxënës nga mbi 100 shkolla në kryeqytet vendosën të protestojnë duke kërkuar rikthim sa më të shpejtë dhe më të sigurt në klasa.

Ata bënë thirrje për një sistem transporti më të sigurt që do të ulte rrezikun e infektimit, hapësirë më të sigurt të distancës fizike dhe një procedurë më efektive të testimit COVID-19.

Vetëm ne tre nga 20 rajonet e Italisë nxënësit e shkollës së mesme u kthehen ditën e sotme pjesërisht në klasë, pasi 50% e  tyre duhet të ndjekin mësimin online.