‘Nxiti protestën’, akuzohet zyrtarisht Trump, Dhoma e Përfaqësuesve voton për të dytën herë kundër

Presidenti Donald Trump vendos shenjë në historinë amerikane. Për të dytën herë, brenda thuajse një viti akuzohet për shkarkim nga Dhoma e Përfaqësuesve.

Këtë herë presidenti akuzohet për nxitje të protestave gjatë trazirave të 6 janarit ku mbështetës të republikanit mësynë në ambientet e Kongresit për të ndalur certifikimin e fitores së Joe Biden. 

Kjo është e dyta herë pas telefonatës me presidentin ukrainas ku tentohet që Trump të largohet nga drejtimi i Shtëpisë së Bardhë.

Për këtë rezolutë votat pro janë 232 kundër 197. Rezoluta miratohet.

Përveç demokratëve, të cilët e kanë konsideruar presidentin një kërcënim kombëtar edhe dhjetë republikanë votuan pro shkarkimit të tij.

Por, kalimi i kësaj rezolute nuk e largon Donald Trump nga detyra, fati i tij politik vendoset në Senat, i cili në një seancë gjykimi do të ketë fjalën e fundit. Dhe nëse akuzat miratohen edhe në Senat ku nevojiten dy të tretat e votave, Trump mund të ndalohet të kandidojë sërish për president apo të ushtrojë detyra publike.

Por, Presidenti Trump nuk largohet para përfundimit të mandatit.

Lideri i shumicës në Senat, republikani Mitch McConnell, u shpreh se nuk do të organizojë një seancë urgjente për të shqyrtuar largimin e Trump pasi sipas tij kongresi duhet të fokusohet në një tranzicion të sigurt dhe të rregullt të pushtetit për administratën e ardhshme të Biden dhe çdo gjë pritet të ndodh pas 20 janarit kur kontrollin e senatit e marrin demokratët.

Por si reagoi Trump ndaj këtij vendimi?

Në kohën kur Kryetarja e Dhomës së Përfaqësuesve po nënshkruante rezolutën, Presidenti Trump publikoi një video në twitter ku nuk e përmendi aspak vendimin për shkarkim, por u ndal tek kritikat që kishte për dhunën e 6 janarit.

Ndonëse më herët akuzat për shkarkim manajti i cilësoi qesharake e një masë e tillë sipas tij  do të shkaktonte zemërim në SHBA.

Lexoni gjithashtu:

Inkriminimi i dytë i Donald Trump, Dhoma e Përfaqësuesve mblidhet për të votuar