Objektivat e samitit të G7, vaksina për vendet e varfra, ndryshimet klimatike dhe raportet me Kinën dhe Rusinë

Takimi i nivelit të lartë të liderëve G7 përfundoi me disa objektiva të vendosura ku u zotua se do të shpërndahen rreth 1 miliardë doza për vendet më të varfëra, do të merren aksione për ndryshimet klimatike si dhe do të trajtohen raportet me Kinën dhe Rusinë.

“Është qesharake që komunikata thotë se ata do të bënin gjithçka që mundeshin sa më shpejt që të ishte e mundur dhe pastaj ata flasin për një miliard (doza) në vitin e ardhshëm. Është mjaft interesante të shohësh se si ata mendojnë se një miliard doza do t’i jepnin fund pandemisë. Kjo është me të vërtetë qesharake sepse kjo nuk do të kujdeset as për 5% të popullsisë”, deklaroi Edwin Ikhuoria, drejtor Ekzekutiv për Afrikën në Fushatën ONE.

Protestuesit e klimës thanë se megjithëse ishin të kënaqur kur panë presidentin Joe Biden duke e kthyer Amerikën në kampin e vetëdijshëm për ndryshimet klimatike, ata ishin të zhgënjyer pasi panë mungesë veprimi.

“Marrëveshja e Parisit nuk është respektuar nga ata që e nënshkruan atë. Ata kanë hequr dorë nga të gjitha ato premtime. Prandaj, ne u kërkojmë atyre të ndalojnë tani investimet në karburantet fosile, kjo është gjëja kryesore, për të arritur karbonin neutral deri në vitin 2025”, u shpreh Andy Leatherbarroë, anëtar i “Rebelimit të Zhdukjes”.

Misioni diplomatik i Joe Biden në Evropë vazhdon.

Tani ai është në Bruksel përpara samitit të NATO-s dhe BE-së dhe më vonë ai do të ketë një takim me presidentin rus Vladimir Putin, i cili do të zhvillohet në Gjenevë.

LEXONI GJITHASHTU:

G7 do dhurojë një miliard vaksina deri në fund të 2022, konfirmon kryeministri Johnson

“Strategjia globale e G7 pa detyrime të mbarsura si Kina”, deklaron Von der Leyen për Euronews

Samiti i G7 prezanton sfidat, zotim për të mbrojtur mjedisin, në agjendë raportet me Kinën