OBSH e shqetësuar për shpërndarjen e vaksinave anti-COVID

Organizata Botërore e Shëndetësisë ka shprehur shqetësimin se fluksi i vaksinave COVID-19 nga vendet e pasura në ato me të ardhura të ulëta, është ende shumë i ngadaltë.

Por, adoleshentët e fundit në ishullin spanjoll të La Graciosa morën dozën e dytë të vaksinës COVID, ndërsa autoritetet shpallën ishullin si territorin e parë të çliruar nga coronavirusi.

Ky ishull ka 750 banorë dhe të gjithë të rinjtë nga mosha 12-vjeçare janë të injektuar.

“Askush nuk e ka refuzuar vaksinën, të gjithë e kanë marrë me dëshirë. Çdo gjë ka funksionuar mirë”, – shprehet Guillermo Felez, infermier.

Ndërkohë, Austria po ofron qendra të vaksinimit në një përpjekje për të rritur injektimin.

Në Mbretërinë e Bashkuar rastet e variantit Delta janë duke u rritur, teksa janë regjistruar mbi 24.000 në 24 orët e fundit. Por, Anglia së shpejti mund të braktisë mbajtjen e maskave të detyrueshme.

Ndërsa rastet po rriten me shpejtësi, shtrimet në spital nuk janë shqetësuese.

“Shteti nuk do t’ju tregojë se çfarë të bëni, por ju do të duhet të keni një shkallë të përgjegjësisë personale dhe gjykimit”, – tha Robert Jenrick, Sekretari i Strehimit.

LEXONI GJITHASHTU:

• Donald Tusk i rikthehet politikës polake për t’i bërë ballë konservatorëve të djathtë
• Procesi i Berlinit, çfarë pritet të sjellë takimi i fundit i kancelares Merkel me kryeministrat e Ballkanit Perëndimor
• Partitë e ekstremit të djathtë në BE nënshkruajnë dokumentin e unifikimit