OBSH miraton përdorimin emergjent të vaksinës Moderna

Organizata Botërore e Shëndetësisë ka miratuar për përdorim emergjent vaksinën e kompanisë Moderna.

Vaksina e kompanisë amerikane është e fundit në listën e vaksinave të miratuara për përdorim emergjent, si AstraZeneca, Pfizer-BioNtech dhe Johnson&Johnson.

E njëjta gjë pritet të ndodhë në ditët në vijim edhe për vaksinën e kompanisë kineze Sinopharm dhe Sinovac, njoftoi OBSH.

Drita e gjelbër për vaksinën e Moderna erdhi pas shumë muajsh për shkak të vonesave në marrjen e të dhënave nga kompania.

Konfirmimi për përdorimin e vaksinës nuk do të sjellë ndonjë ndryshim për vendet në zhvillim pasi kompania ka nënshkruar kontrata vetëm me shtetet e pasura, të cilat do kenë marrë tashmë edhe dozat e para.

Drejtori ekzekutiv i Moderna Stephane Bancel tha se kompania po “merr pjesë në mënyrë aktive në diskutime me organizata shumëpalëshe, si COVAX, për të ndihmuar popujt në mbarë botën”.

Lexoni gjithashtu

• Vaksinimi në Francë | Personat mbi 18-vjeç do të jenë në gjendje të vaksinohen nga 15 qershori
• “S’ka vaksina për të varfrit”, OBSH: 82% e vaksinave të administruara në vendet e pasura
• Mbështetje me vaksina anti-COVID, Oliver Varhelyi të mërkurën vjen në Shqipëri