OKB cakton raportues për Rusinë, do monitorojë respektimin e të drejtave të njeriut

Këshilli për të drejtat e njeriut në OKB ka votuar për caktimin e një raportuesi mbi rastet e abuzimeve në Rusi.

Është hera e parë që një raportues i posaçëm caktohet për të mbikëqyrur respektimin e të drejtave të njeriut në një vend anëtar të përhershëm të Këshillit të Sigurimit.

“Për vite me radhë kemi qenë dëshmitarë të një përkeqësimi të vazhdueshëm të të drejtave të njeriut në Rusi, trend që është intensifikuar në muajt e fundit. Ligjet e ashpra kundër mediave të pavarura dhe organizatave joqeveritare, sanksionet për këdo që vë në dyshim qeverinë dhe arrestimet e protestuesve janë disa nga shembujt e represionit sistematik”, u shpreh Mirk Bichler, ambasador i Luksemburgut në UNHCR.

Që kur Rusia sulmoi Ukrainën, mijëra persona janë arrestuar pse kanë protestuar kundër luftës dhe mobilizimit të fundit ushtarak.

Votimi në OKB erdhi pak pasi grupi rus për të drejtat e njeriut, “Memorial”, u bë pjesë e fituesve të Çmimit Nobel për Paqen.

Ambasadori rus në Gjenevë e cilësoi votimin një dokument “të neveritshëm”, që synon rritjen e presionit ndaj vendit të tij.

LEXONI GJITHASHTU

• Zelensky krijon panik, thirrje për sulm bërthamor ‘parandalues’ kundër Rusisë
• Çfarë fshihet pas raketave të njëpasnjëshme të Koresë së Veriut?
• Vetëm 1 shtet anëtar i BE-së po merr ende gaz nga Rusia