Origjina e virusit COVID-19, pritet raporti i OBSH-së, përjashtohet teoria e krijimit në laborator
Covid-19 ka vrarë në shumë se 2.8 milionë njerëz në të gjithë botën. Prej gati 15 muajsh të gjithë jemi prekur nga pandemia që kur ajo nisi në qytetin kinez Wuhan.
E prej asaj kohë zbulimi i origjinës së virusit është një mision i kryesuar nga OBSH.
Por, raporti i saj ka shkaktuar shumë pakënaqësi.
Gjetjet në një raportin prej 124 faqesh që do të dalë zyrtarisht sot kanë bërë që OBSH dhe Kina të supozojnë së bashku se Covid-19 ndoshta u ka kaluar njerëzve nga një lakuriq nate përmes edhe të tjera kafshëve.
Ekspertët kanë përfshirë gjallesa të tilla si, pangolina, lepuj dhe badger apo vjedull, por asgjë nuk është e sigurt.
Hetuesit kanë përjashtuar të gjitha opsionet se virusi është krijuar në laborator.
Kontrollet, të cilat nisën një vit pasi u shfaqën rastet e para janë karakterizuar nga vonesat dhe përplasjet diplomatike.
Teoria e Pekinit se virusi nuk ka origjinën fare në Kinë por është importuar në ushqim të ngrirë është cilësuar “e mundur” por shumë e pamundur të ndodhë.
Zyrtarët e OBSH-së ende nuk janë bindur për gjetjet.
“Ne do të lexojmë raportin dhe do të diskutojmë, do të përpunojmë përmbajtjen e tij dhe hapat e ardhshëm me vendet anëtare. Por siç kam thënë, të gjitha hipotezat janë në tryezë dhe garantojnë studime të plota dhe të mëtejshme nga ato që kam parë deri më tani”, u shpreh Tedros Adhanom Ghebreyesus, Drejtori i Përgjithshëm i OBSH-së.
Raporti po vëzhgohet nga afër, pasi zbulimi i origjinës së virusit mund të ndihmojë shkencëtarët të parandalojnë pandemitë në të ardhmen, por është gjithashtu jashtëzakonisht i ndjeshëm pasi Kina hedh poshtë çdo sugjerim se është fajtore.
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta