Osmani: Serbia i sheh vendet e Ballkanit Perëndimor si ‘të përkohshme’

Presidentja e Kosovës, Vjosa Osmani ka deklaruar për CNN se konflikti në Ukrainë mund të shtrihet dhe në pjesë të tjera të botës, përfshirë Evropën.

Gjatë intervistës me gazetaren e njohur, Christiane Amanpour, ajo e krahasoi luftën në Ukrainë me atë që ka ndodhur në Kosovë në 1999.

“Imazhet që vijnë nga Ukraina, të njerëzve të pafajshëm më kujtojnë atë që ne kemi kaluar” tha Osmani.

Sipas Osmanit, Rusia po mundohet të destabilizojë Ballkanin përmes Serbisë, duke e quajtur ‘satelit të saj’.

“Serbia vazhdon t’i shohë vendet e Ballkanit Perëndimor si ‘vende të përkohshme’”, tha Osmani. “Ne jemi këtu për të qëndruar të pavarur, sovran dhe komb me demokraci të gjallë”, shtoi ajo.

Presidentja e Kosovës thotë se paqja në Evropë është e pamundur pa përfshirjen e Ballkanit Perëndimor në BE.

Osmani foli edhe për krimet serbe të kryera gjatë luftës në Kosovë, krimet në fshatin Poklek, ku tha se ka qenë së fundmi.

Po ashtu përmendi djegien e fëmijëve të gjallë në një shtëpi të këtij fshati në vitet e luftës.

Serbia continues to view countries of the western Balkans “as temporary countries,” says Kosovo President @VjosaOsmaniPRKS. “We’re here to stay as independent, sovereign and vibrant democratic nations.” pic.twitter.com/6ZbUSY0bN7

— Christiane Amanpour (@amanpour) April 14, 2022