“Pandemia është mashtrim”, qytetarët në disa vende të Evropës dalin në protestë

Rritja e numrit të të infektuarve dhe pragu i një vale të dytë ka detyruar disa vende të Evropës të ndërmarrin masa kufizuese duke nxitur qytetarët në protesta.

 Polonia dhe Britania kanë kundërshtuar dhe ironizuar situatën e pandemisë. Qytetarët britanikë të grumbulluar në qendër të vendit dhe pa përdorur maska e kanë cilësuar COVID-19 si një mashtrim.

Ndërkohë edhe në Itali priten të vendosen masa shtrënguese me qëllim anashkalimin e një karantimi të dytë. Kjo ka ngritur mijëra qytetarë në Romë të protestojnë kundër mbajtjes se detyruar të maskave.

Këto ngjarje rrezikojnë shpërndarjen dhe zgjerimin e mëtejshëm të infektimeve, në një kohë që çdo ditë, shumë vende në botë raportojnë shifra rekord të të infektuarve.