Para shtesë për COVAX, SHBA pro pezullimit të patentave të vaksinave

Në ditët kur pandemia ka gjunjëzuar Indinë, vijojnë edhe zhvillimet e rëndësishme në prodhimin e vaksinave anticovid.

Administrata amerikane e presidentit Joe Biden mbështet iniciativën e Organizatës Botërore të Tregtisë për pezullimin e patentës për vaksinat kundër COVID-19, duke zemëruar kompanitë farmaceutike.

Ky vendim do të lejojë që prodhimi i vaksinave të rritet dhe të sigurojë doza më të volitshme për vendet më pak të pasura.

Më herët ministrat e Jashtëm të G7 të mbledhur në Londër përfunduar takimin e tyre duke mbështetur aksesin global “të përballueshëm  dhe të barabartë” në vaksina, terapi dhe diagnostikim.

Samiti po ashtu mbështeti angazhimin për të mbledhur para shtesë për skemën e shpërndarjes Covax të vaksinave të administruar nga Kombet e Bashkuara.

Ministri i Jashtëm indian, i ftuar samitin e G7 rrëfeu eksperiencën personale për ndikimin  e pandemisë në kohën kur ai dhe i gjithë ekipi duhej të vetëizoloheshin, pasi dy anëtarë të delegacionit rezultuan positive

India është duke u përballur me një situatë të vështirë të pandemisë, me mungesë të shtretërve dhe oksigjenit në spitale.

Shumë shtete janë sensilibizuar duke dërguar ndihma për të lehtësuar disi situatën ku edhe krematoriumet janë të tejmbushura.

Në mungesë së shtretërve dhe okisgjenit shumë njerëz kanë vdekur  në ambulance apo në parkingjet e makinave.

të frikësuar nga kjo valë e dytë katastrofike e pandemisë në Indi dhe variantit shumë ngjitës të virusit fqinji i saj Nepali ka anuluar fluturimet dhe ka mbyllur kufijtë.

Ky shtet po ashtu është i prekur rëndë nda virusi duke regjistruar 7 mijë të infektuar në ditë.

Lexoni gjithashtu:

Delegacioni indian pozitiv me COVID-19, vetëizolohet ministri i Jashtëm i Indisë

Varianti indian mbërrin në Europë, tre raste të konfirmuara në Spanjë, pritet rezultati i testeve në Itali