Partia e ekstremit të djathtë në Itali akuzohet për nxitje protestash të dhunshme

Pas protestave të dhunshme të së shtunës ku kundërshtohen masat anti-COVID, në Itali shtohen thirrjet për të ndalur veprimtarinë e një partie të ekstremit të djathtë.

Të paktën 12 persona u arrestuan, përfshirë drejtuesit e partisë të së djathtë ekstreme Forza Nuova. Anëtarët e kësaj partie janë akuzuar për nxitje të tensioneve dhe dhunës.

Gjatë protestës të së shtunës protestuesit u përplasën me policinë duke shkatërruar disa godina, përfshirë selinë e një prej federatës sindikaliste.

Në rrjete janë përhapur disa fotografi dhe video të protestuesve, kryesisht djem që përshëndesin në formë  fashiste.

Ata ishin mbledhur për të kundërshtuar një rregull qeveritar, i cili kërkon që në vendin e punës duhet të jesh i pajisur me certifikatën e vaksinës Covid-19 ose test negativ.

Certifikata në Itali, i njohur si “Green Pass”, hyn në fuqi të premten dhe zbatohet për vendet e punës publike dhe private.

Për të marrë pasaportën, qytetarët ose duhet të kenë bërë të paktën një dozë vaksine Covid, të dokumentojnë shërimin nga sëmundja në gjashtë muajt e fundit ose testin negativ në 48 orët e fundit.

LEXONI GJITHASHTU:

• Përmbytje në Greqi, fond emergjence prej 20 mln euro për ishullin Evia
• Ministri i Jashtëm austriak emërohet kancelar pas dorëheqjes së Kurz
• Kryeministri i Austrisë dorëhiqet pas akuzave për korrupsion