Partizani i afrohet Evropës duke mundur minimalisht Laçin

Partizani regjistroi fitoren e tretë radhazi në kampionat, duke u afruar akoma dhe më shumë me zonën europiane. Kryeqytetasit mundën minimnalisht në Stadiumin Kombëtar ekipin e Laçit, një rival direkt për në Kupat e Euorpës.

Vendos goli i Erald Çinarit, i cili shënoi që në pjesën e parë. Shkodrani nuk e pati aspak të vështirë të kthente në gol pasimin e Brojës. Pas këtij suksesi skuadra e Sormanit arrin kotën e 47 pikëve, vetëm 3 më pak se vendi i tertë që mbahet pikërisht nga Laçi.

Në takimin tjetër mes Flamurtarit dhe Luftëtarit, kuqezinjtë fituan me rezultatin e thellë 6-1. Një fitore që vlen vetëm për statistikë, pasi si vlonjatët ashtu dhe gjirokastritët do të luajnë në kategorinë e parë edicionin e ardhshëm.

Java e 31-të do të mbyllet të dielën me tre takime, në orën 17:00 Kukësi do të presë në Elbasan Bylisin, ndërsa Vllaznia përballet me Teutën.

Takimi i fundit i javës do të jetë ai mes Skënderbeut dhe kryesuesve të Tiranës, që do të luhet në orën 19:00.