Pas betimit si kryeministër, Magyar: Nuk do të sundoj mbi Hungarinë, do t’i shërbej

Peter Magyar është betuar si kryeministri i ri i Hungarisë, duke i dhënë fund 16 viteve të qeverisjes së Viktor Orban. Ceremonia e betimit u zhvillua në parlamentin hungarez, pothuajse një muaj pas fitores së thellë të partisë së tij në zgjedhje.

Në fjalimin e tij pas betimit, Magyar deklaroi se nuk do të “sundojë mbi Hungarinë”, por do t’i shërbejë vendit. Ai premtoi ndryshim politik dhe një qasje të re në qeverisje pas më shumë se një dekade dominimi të Orbánit në skenën politike hungareze.

Partia Tisza siguroi 141 nga 199 vendet në parlament, një rezultat historik për një forcë politike të krijuar vetëm dy vite më parë dhe që më parë nuk kishte asnjë përfaqësim parlamentar.

Ndërkohë, dhjetëra mijëra mbështetës pritet të marrin pjesë në një aktivitet të quajtur “festimi i lirisë dhe demokracisë” pranë parlamentit në Budapest, përgjatë brigjeve të Danubi. Organizatorët e kanë cilësuar momentin si “porta e ndryshimit të regjimit” për Hungarinë.