Pasiguria në Afganistan, talebanët godasin gratë gjatë protestave

Talebanët përdorën kamxhikë dhe shkopinj për të goditur gratë gjatë një protestë në Kabul të mërkurën.

Qeveria e re e përkohshme e përbërë vetëm nga burra u shpall të martën. Protestat që nuk kanë miratim zyrtar janë të ndaluara në kryeqytetin afgan.

Korrespondentja ndërkombëtare e Euronews Albania Anelise Borges e cila ndodhet në Afganistan bisedoi me zëdhënësin taleban për administratën e re.

“Kabineti ende nuk është plotësuar dhe do të përfundojë së shpejti. Të gjithë janë në krye, ndërkohë ka shumë reforma. Ju e dini që zyrat ishin bosh dhe ne prezantuam mbikëqyrësit për të përmirësuar zyrat,” – u shpreh Zabihullah Mujahid.

Në një vizitë në bazën ajrore amerikane në Ramstein, Gjermani, Sekretari amerikan i Shtetit Antony Blinken u shpreh se qeveria e re afgane do të gjykohet nga veprimet e saj.

Bota perëndimore ka ende detyrën sfiduese për të evakuuar pjesën tjetër të qytetarëve të saj nga Afganistani.

LEXONI GJITHASHTU: 

• Rinisin fluturimet nga Kabuli, Euronews tregon regjimin e ri të talebanëve në Afganistan
• Talebanët shpallin qeverinë e re të Afganistanit
• Mësimi në Afganistan, një perde brenda klasës ndan vajzat nga djemtë