Paul Milgrom dhe Robert Wilson fitojnë Çmimin Nobel për Ekonominë

Ekonomistët amerikanë Paul R Milgrom dhe Robert B Wilson kanë fituar Çmimin Nobel për Ekonominë për “përmirësimet në teorinë e ankandit dhe shpikje të formateve të reja të ankandit”.

Ekonomistët kanë studiuar mënyrën se si funksionojnë ankandet dhe kanë projektuar formate të reja ankandi për mallra dhe shërbime që më parë kanë hasur vështirësi për t’u shitur në mënyrën tradicionale, si për shembull frekuencat e radios.

Komisioni i Nobelit deklaroi se zbulimet e tyre i kanë sjellë përfitime, blerësve, shitësve dhe taksapaguesve në mbarë botën. 

BREAKING NEWS:
The 2020 Sveriges Riksbank Prize in Economic Sciences in Memory of Alfred Nobel has been awarded to Paul R. Milgrom and Robert B. Wilson “for improvements to auction theory and inventions of new auction formats.”#NobelPrize pic.twitter.com/tBAblj1xf8

— The Nobel Prize (@NobelPrize) October 12, 2020

Çmimi prestigjioz vjen bashkë me një medalje ari dhe një shumë prej 960 mijë eurosh.  

Ky është çmimi i fundit Nobel që prezantohet për këtë vit.

Vitin e shkuar çmimin prestigjioz e fituan dy hulumtues nga Instituti i Teknologjisë së Masaçusetsit dhe një i tretë nga Universiteti i Harvardit për hulumtimin novator në përpjekje për të reduktuar varfërinë globale.

Lexoni gjithashtu:

Nobeli për Paqen, çmimi i akordohet Programit Botëror të Ushqimit

Çmimi i Nobelit për Letërsinë i shkon poetes amerikane Louise Glück

Çmimi Nobel në fizikë i shkon 3 shkencëtarëve për dy zbulime hapësinore

Çmimi Nobel në mjekësi fitohet nga shkencëtarët që zbuluan virusin e Hepatitit C