PE padit Komisionin Evropian për mungesë ndëshkimi ndaj shteteve anëtare që shkelin ligjin

Parlamenti Evropian ka vendosur të ngrejë padi ndaj Komisionit Evropian pas refuzimit të vazhdueshëm të ekzekutivit për të aktivizuar një mekanizëm të ri kushtesh që mund të ngrijnë fondet e BE-së për shtetet anëtare të dyshuara për shkelje të ligjit të BE.

Padia u dorëzua këtë të premte nga zyra ligjore e parlamentit në Gjykatën Evropiane të Drejtësisë, me bazë në Luksemburg.

Ajo i referohet vendeve si Hungaria dhe Polonia, të cilat kanë miratuar një seri ligjesh të brendshme, të cilat bien ndesh me ato të Unionit.