Qendra e kryeqytetit grek, Athina, është bllokuar për disa orë mëngjesin e së mërkurës pas një proteste të qindra pensionistëve të mbledhur në sheshin para parlamentit.

Më pas, ata janë drejtuar nga kryeministria duke hedhur parulla e duke mbajtur pankarta. Në kërkesat kryesore të tyre veçohet rritja e të gjitha pensioneve, pensioni më i ulët të jetë 650 euro nga 384 që është sot, rikthimi i disa taksave të mbajtura padrejtësisht, etj.

Përfaqësues të shoqatave të pensionistëve, që kanë folur me ministrin e Shtetit, kanë mundur të sigurojnë pas 3.5 vitesh një takim me kryeministrin Mitsotakis në datën 14 tetor.

Protesta e pensionistëve vjen në një moment të thellimit të krizës energjetike dhe inflacionit rekord që po përballon shoqëria greke.

LEXONI GJITHASHTU:

• Pensionistja në Sarandë: Bëj punë të dytë për të përballuar jetesën
• Pa mbëshetje, pensionistët e Korçës ankohen për pensione të ulëta dhe çmime të larta
• Sportet ekstreme, pa mbështetje në Shqipëri