Presidenti i Rusisë, Vladimir Putin ka zhvilluar një bisedë telefonike me homologun francez, Emanuel Makron këtë të martë.
Nga raportimet e mediave shtetërore ruse, mësohet se Putin i ka thënë Makronit se Perëndimi duhet të ndalojë furnizimet me armë për Ukrainën.
Sipas Putin, Kievi nuk po i merr seriozisht bisedimet për paqe dhe vendet perëndimore po injorojnë krimet e luftës në Ukrainë, shkruan BBC.
Kreu i Kremlinit ka bërë më parë pretendime të pabaza se Ukraina po kryen krime lufte pas pushtimit të Rusisë.
Ndërsa, Makron i ka kërkuar Putinit që t’i japë fund luftës dhe bëri thirrje për armëpushim midis dy shteteve.
Ai shprehu gjithashtu shqetësimin e tij për situatën në Donbas dhe Mariupol teka shtoi se evakuimi i civilëve nga fabrika e çelikut Azovstal duhet të vazhdojë.
LEXONI GJITHASHTU
- Rusia akuzon Izraelin për mbështetje të neo-nazizmit në Ukrainë
- Xhonson: Perëndimi duhet të ndihmonte Ukrainën në 2014 kur u aneksua Krimea
