Performanca nuk shkoi siç duhet, fustani i balerinës përfshihet nga flakët në Kinë! Pëson djegie të shumta

Një aksident i rëndë për pak sa nuk rezultoi fatal për një balerinë e cila mbeti e plagosur në Kinë gjatë një performance pranë detit.

Teksa po performonte fustani i saj u përfshi nga flakët. Ajo si pjesë të koreografisë kishte një rreth hekuri me flakë. Në një moment zjarri përhapet në fustan dhe ajo shihet teksa vrapon drejt detit për t’u hedhur në ujë.

E tmerruar, ajo vrapoi drejt detit dhe ra në ujë për të shuar flakët, me mediat kineze që raportuan se ajo pësoi djegie dhe po trajtohet në spital në gjendje të qëndrueshme.