Një operacion kërkim-shpëtimi është duke u zhvilluar nga porti dhe Frontex për të gjetur të huajt në zonën detare në jug të Samos, ku anija me të cilën ndodheshin u përmbys.
Ngjarja u bë e ditur kur një anije peshkimi pikasi aksidentalisht dy burra në det, të cilët informuan se ishin në një varkë me dhjetë të tjerë e cila u përmbys, raportojnë mediat e huaja.
Një anije e Frontex menjëherë më pas vuri re dy të tjerë. Sipas dëshmive të tyre, në bord ndodheshin gjithsej 12 persona dhe autoritetet janë në kërkim të tetë të tjerëve.
Ngjarja ka ndodhur teksa ka pasur kushte të mira atmosferike. Megjithatë, autoritetet janë të shqetësuara nga fakti se ngjarja u bë e ditur rastësisht pasi nuk është bërë asnjë telefonatë në numrin 112 dhe nuk ka pasur asnjë sinjal shqetësimi.
LEXONI GJITHASHTU:
- Balluku: Faturimi i energjisë nis pas javës së parë të muajit nëntor
- Flamurtari mposht Vllazninë në basketboll për femra
- Pas 21 nëntorit gjobë 150 euro për targat serbe, Policia e Kosovës sqaron procedurën
