Përpjekjet e Turqisë për takimin mes Putinit dhe Zelenskit

Turqia po mundohet të organizojë një takim mes presidentit të Rusisë, Vladimir Putin dhe të Ukrainës, Zelenski.

Ministri i Jashtëm turk, Mevlut Çavusoglu tha se vendimet e rëndësishme merren në nivel liderësh, prandaj ata po mundohen ta arrijnë këtë gjë.

Rusia dhe Ukraina kanë shkëmbyer të burgosurit e luftës.  Zv. kryeministrja ukrainase, Irina Veresçuk njoftoi lirimin e 5 oficerëve, 17 ushtarëve dhe 8 civilëve.

Detajet e numrit të të burgosurve rusë të liruar mbeten ende për t’u konfirmuar. Sipas OKB-së, numri i civilëve të vrarë në arriti në 1,932 në datën 12 Prill edhe pse paralajmëroi se “shifrat reale janë mjaft më të larta”, ndërsa 2,589 civilë të tjerë raportohen si të lënduar prej nisjes së luftës në 24 shkurt.

Lideri rus i opozitës, Aleksei Navanli ka publikuar disa shkrime në rrjetet sociale ku bën thirrje për një “front të ri vërtetësie”.

Navanli, i cili po kryen një dënim 9-vjeçar në një burg të Rusisë, shkruan se e vërteta dhe informacioni i lirë e dëmtojnë Putinin po aq sa armët anti-tank që Amerika i ka dhënë Ukrainës.

LEXONI GJITHASHTU:

• Zelenski lavdëron ukrainasit: 50 ditë në mbrotje të vendit, një arritje e madhe
• Fundoset anija luftarake ruse ‘Moskva’