Përplasen me armë me FSB-në, vriten të dyshuarit për terrorizëm në Rusi

Forcat speciale ruse vranë 2 persona, të dyshuar se po komplotonin sulme terroriste. Lajmin e bënë të ditur forcat vendase të sigurisë, sipas të cilave të dyshuarit u vranë në një shkëmbim zjarri në rrethinat e Nalçikut, kryeqytet i republikës Kabardino-Balkaria, në jug të vendit, ku ekstremistët islamikë janë vendosur prej dekadash.

Të dyshuarit e gjetën veten të rrethuar dhe hapën zjarr ndaj forcave speciale të FSB-së, të cilat reaguan. Për momentin nuk ka detaje për atë që po planifikonin.

Shkëmbimi i zjarrit erdhi në një kohë kur masat e sigurisë në Rusi janë rritur pas sulmit të 22 marsit në një sallë koncertesh në Moskë, ku mbetën të vrarë 145 persona. Përgjegjësia e atentatit terrorist u mor përsipër nga një fraksion i grupit Shteti Islamik.

Por pavarësisht kësaj, Kremlini akuzoi Ukrainën si mbështetëse të sulmit dhe premtoi hakmarrje. Nga ana e tij Kievi mohoi çdo përgjegjësi, ndërsa Perëndimi i bëri thirrje Moskës që të mos e përdorë ngjarjen si pretekst për të intensifikuar sulmet ndaj fqinjit të saj.

LEXONI GJITHASHTU:

• Sulmi në sallën e koncerteve Moskë, Taxhikistani arreston disa persona
• ISIS vlerëson sulmin terrorist në Moskë: Synoni “kryqtarët” në SHBA, Evropë e Izrael