Pfizer për adoleshentët, EMA dhe FDA nisin të vlerësojnë miratimin për grupmoshën 12-15 vjeç

Agjencia Evropiane e Barnave (EMA) dhe Administrata Amerikane për Barnat (FDA) janë duke shqyrtuar mundësinë që vaksina e Pfizer të nisë të përdoret për adoleshentët nga 12 në 15 vjeç.

Pritet që autoritetet amerikane të miratojnë vaksinën për këtë grupmoshë në ditët në vijim.

Në aplikimin e tyre tek EMA më 30 prill, kompania Pfizer nënvizoi se të dhënat e marra nga faza e tretë e testimit tek adoleshentët amerikanë vaksina dëshmoi se ishte 100% efektive ndaj COVID-19 dhe kishte shkaktuar reagim të fuqishëm të antitrupave.

Vaksina Pfizer/BioNTech  është tashmë e autorizuar për përdorim në Shtetet e Bashkuara të Amerikës dhe Bashkimin Europian për personat mbi 16 vjeç.

Ndërkohe Agjencia Evropiane e Barnave krahas vaksinës ruse Sputnik V ka nisur të shqyrtojë edhe vaksinën kineze të prodhuar nga Sinovac nëse do të mund të miratohet për përdorim të gjerë.

LEXONI GJITHASHTU:

• Vaksina ‘Pfizer’ për fëmijët, kompania kërkon autorizim që të përdoret për grupmoshën 12-15 vjeç
• Doza false të vaksinës Pfizer në Meksikë dhe Poloni, injektohen 80 persona
• Mbërrijnë në Shqipëri 8190 doza vaksine “Pfizer”