Plani i fundit i BE-së për të sanksionuar Rusinë

Ambasadorët e Bashkimit Evropian takohen sot për të vendosur nëse do të ndërmarrin sanksione të reja ndaj Rusisë, raporton BBC.

Thirrjet e Perëndimit për masa të reja për të dëmtuar ekonominë ruse janë intensifikuar pas akuzave për krime lufte në Ukrainë. Moska mohon se forcat e saj kanë kryer mizori.

Dje, Presidentja e Komisionit Evropian Ursula von der Leyen paraqiti një listë propozimesh, ku përfshihen:

Ndalimi i importeve të qymyrit rus në të gjitha vendet e BE, vlera e të cilave shkon në 4 miliardë dollarë në vit.

Ndalim për anijet ruse që hyjnë në portet e BE-së (me disa përjashtime) dhe për operatorët rusë të transportit rrugor.

Ndalimi i eksporteve nga BE të disa teknologjive dhe makinerive dhe importet e alkoolit, ushqimeve të detit dhe drurit rus.

Një kufizim parashikohet edhe për kompanitë ruse që konkurrojnë për kontrata në të gjithë BE-në.

BE po punonte gjithashtu për sanksione të tjera duke përfshirë importet e naftës ruse, tha Von der Leyen.

Ndalimet e karburantit rus deri tani kanë përçarë vendet e BE, përfshirë Gjermaninë që varen shumë nga Rusia.

LEXONI GJITHASHTU:

• Perëndimi shton sanksionet ndaj Rusisë
• Rusia falimenton para se të pushtojë Ukrainën, paralajmërojnë agjencitë