Policia turke operacion kundër Shtetit Islamik, arrestohen 110 të dyshuar! Sekuestrohen dokumente

Policia turke arrestoi të hënën 110 të dyshuar në një operacion kundër grupit Shteti Islamik. Operacioni u zhvillua një ditë pasi tre oficerë policie dhe gjashtë persona të armatosur u vranë në një shkëmbim zjarri në Turqinë veriperëndimore.

Policia kreu një rrethim prej 8 orësh në një shtëpi në qytetin Yalova të Detit Marmara, në jug të Stambollit, një javë pasi arrestoi më shumë se 100 anëtarë të dyshuar të Shtetit Islamik.

Tetë oficerë policie dhe një roje sigurie u plagosën në bastisjen e shtëpisë, e cila ishte një nga më shumë se 100 adresat e synuara nga autoritetet.

Në operacion, policia bastisi 114 adresa në Stamboll dhe dy provinca të tjera dhe arrestoi 110 nga 115 të dyshuarit që po kërkonin. Policia sekuestroi materiale dhe dokumente dixhitale.

Turqia ka shtuar operacionet kundër anëtarëve të dyshuar të Shtetit Islamik këtë vit, ndërsa grupi riorganizohet globalisht. Turqia ka qenë një pikë kyçe tranziti për luftëtarët e huaj, përfshirë ata nga Shteti Islamik, që hyjnë dhe dalin nga Siria.